Ойрд зурагтаар миний дуртай хоёр жүжигчний (Морган Фрийман, Жак Николс)тоглосон "Bucket list" гэсэн кино рекламдаад байгаа юм. Киноны үйл явдлыг ажвал нас дээр гарсан хоёр найз үхэхээсээ өмнө хийж бас үзэж амжаагүй юмаа гүйцэлдүүлж байгаа харагддаг юм. Харин киноны нэрний хувьд үгчилж орчуулбал хувингийн жагсаалт болчихоод гайхаад байснаа өнөөдөр ажил дээрээ ярьж суутал, хоёр америк залуу энэ бол "Kick the bucket" гэсэн хэллэгнээс гаралтайг тайлбарлаж өгөв. Хэн нэгэн хувин өшиглөвөл талийгаач болжээ гэж ойлгох хэрэгтэй юм байна. Тэгэхээр дээрх киноны нэр утга агуулгатайгаа таарч байгаа нь энэ ажээ.