Л.Өлзийтөгс. Усан дээр бичсэн үсэг

Шувуу тэнгэрт мөрөө үлдээдэггүй шиг
Загас усанд галбираа орхидоггүй шиг
Чи миний дотуур ороод л гараад явчихлаа
Шувуугүй тэнгэр ...
Загасгүй гол ...
Чамгүйгээр би БИ биш болж үлдлээ

Чиний үг усан дээр бичсэн үсэг шиг бүдгэрч
Чиний үнсэлт уруулаас будагтай минь хамт арилж
Чи миний дотор ороод үс болон надас ургамагц хаа нэгтээ тасран унав
Чи миний дотор ороод нулимс болон зүрхэнд тунамагц урсаж хатав

Өөрийн минь биеэс л өөрийгөө олсон ширхэг үсхэн чамайг
Өөр шувуу зууж аваад үүр рүүгээ нисэн одов оо

Хайвал олно

Loading...

Архив